7,121 guests

Jennylyn, nagpraktis ng ‘sarreh’

  • Written by Nitz Miralles
  • Published in Showbiz
  • Read: 529

Megan, kakarayin si Mikael sa NYC

Pinanood ni Jennylyn Mercado ang ilang episodes ng Korean hit series na My Love From The Star at prinaktis ang pagsasabi ng “sarreh” (for ‘sorry’), favorite expression ng lead actress sa Korean series, bilang paghahanda sa role ni Steffi na ginagampanan sa Pinoy adaptation ng series.

’Kaaliw lang dahil noong hindi pa niya puwedeng kumpirmahing siya na si Steffi Chavez, pinagbigyan ni Jennylyn ang request naming sabihin niya ang Sarreh, pero hindi ipinasulat.
    
Umiwas sa bashers ang aktres dahil that time, may isyu sa project na dapat sila ni Alden Richards ang magkatambal at pati siya, binash.
    
Kinikilala ang husay ni Jennylyn sa rom-com, pero inamin niyang na-challegne siya sa role ni Steffi sa MLFTS dahil first rom-com niya ito sa TV.
    
“Masaya na ako ang napili to play Steffi, but for me, pinakamahirap ang role na ito dahil si Steffi, very internal, kaya very challenging. Sabi ng mga nakapanood ng teaser, okay ang atake ko sa role ni Steffi, sana nga matuwa ang tao,” sabi ni Jen.
    
Puro positive ang reactions na nababasa namin kay Jennylyn, sa project at pati na sa partner niyang si Gil Cuerva.         
    
Kung may nega man, iilan lang. Ang nakatutuwa pa, maraming Kpop fans ang susuporta sa series at gusto nila ang tandem nina Jennylyn at Gil pati na ang pagkakadirek ni Bb. Joyce Bernal.
    
Sa May 29 na ito mapapanood sa GMA-7.
    
Matanong nga si Jennylyn sa tawag sa kanya ng non-fan niya na siya ang “Jennifer Aniston” ng Pilipinas dahil mahusay siya sa rom-com.

* * *

Kasama si Megan Young sa kinongratuleyt sa box- office success ng Our Mighty Yaya dahil dumagdag sa ikinaganda ng Regal Entertainment movie ang pagganap niya sa role ni Monique, ang b**chy stepmother ng mga bata sa pelikula.
    
Masaya si Megan na nakagawa siya ng isang role na malayo sa karakter niya in real life.
    
Ang husay niya sa mga eksena, hindi raw alam ng tao na minsan, nabubulol siya sa English dialogue niya.         
    
Thankful si Megan kay Direk Joey Reyes na tinulungan siya sa kanyang mga eksena.
    
Kaya isa ang English sa iwu-workshop niya pagpunta niya sa New York for her project for Netflix at sa iba pang projects na ibibigay sa kanya ng agency niya sa New York.
    
Hindi malulungkot sa New York si Megan dahil sasamahan siya ni Mikael for two weeks sa almost two months na itatagal niya roon.
    
Tamang matatapos na ang Legally Blind ni Mikael, kaya masasamahan siya nito.