Tuloy na tuloy na talaga ang teleseryeng pagsasamahan nina Kris Aquino, Anne Curtis at Robin Padilla sa ABS-CBN, ang Kailangan Ko’y IKaw.

Nagkaron na ito ng story conference last Thursday night sa 14th Floor ng ELJ Bulding.

Present ang tatlong lead stars at ang isa rin sa main cast na si Xyriel Manabat.

After the storycon, binigyan ng surprise birthday treat sina Anne and Kris na sabay na magdiriwang ng kanilang kaarawan on Feb. 14.

Pagkatapos nito, nagkaroon na ng tsikahan with the press.

Sobrang excited ang tatlo sa project dahil napakaganda raw ng materyal. Siyempre, bilang dating natsismis sina Kris and Binoe, kinakantiyawan sila ng press.

Mag-asawa ang role nila rito kaya hindi maiwasang maitanong kung may kissing scene.

Nagbiro nga si Robin na gusto raw niya, torrid kissing scenes at say naman ni Kris, “Why not?”

Dugtong pa ng actress-TV host, “Eh kasi, tatlo naman ang anak namin dito, paano naman kami nagkaanak kung wala namang love scene na naganap?”

Humirit pa ng question si Anne ng, “How far do you plan to go, ate?”

Sagot ni Kris, “This is TV, Anne. So, how far can you really go? ’Yung far na far, hintayin na lang natin kasi may movie ako for that.”

Leading lady din ni Robin si Anne kaya naman natanong din ang young actress kung okay din sa kanya na magkaroon ng kissing scenes sa action  star.

“Of course, of course. With this role comes a mature love story. So, I’m game, of course, to do what my role requires to do and kung ’yun ang requirement, why not?”

Proud ding ikinuwento ni Kris na nakaka-touch si Robin dahil panay ang ‘thank you’ sa kanilang dalawa ni Anne.

“He kept on saying ‘thank you’ talaga sa amin ni Anne. Sabi niya, ‘uy, thank you, thank you talaga.’ Para bang sabi ko, ‘we’re so important, tayo ang tine-thank-you-han ni Robin Padilla.’

“Kasi nagawan nila ng paraan to make a series that will have the element of action pero pumayag si Robin talaga na at its core, it’s a family drama and a love story. Kaya, yey!” say ni Kris.

Pero paano ’yan, baka magselos na naman si Bimby, this time kay Robin, lalo na’t makikita silang may kissing scenes?

“No, kasi bago ako pumunta rito, in-explain ko sa kanya at sinabi ko sa kanya na ‘honey, when it’s in front of the tv, you know, it’s pretend. So, ’pag pretend, okay lang. Sabi ko, ‘it’s pangit if it’s real life but if it’s in front of the camera, it’s work, it’s okay.

“So, okay siya ru’n. Basta work.”

Magsisimula nang mag-taping ang serye sa Feb. 21 at ididirehe ito nina Malou Sevilla at Joyce Bernal.

* * *

Last Thursday pa rin, eksklusibong ini-report ni Boy Abunda sa Bandila na annulled na ang kasal nina Kris at James Yap.

Ayon kay Boy, "Lack of authority of the solemnizing officer" ang naging dahilan ng pagpapawalang-bisa ng kasal nina Kris at James.

Base na rin sa ating Family Code, mananatili kay Kris ang custody kay Bimby at Yap pa rin ang gagamitin nitong apelyido.

Nagbigay din ng pahayag si Kuya Boy tungkol sa naging hatian ng conjugal properties nina Kris and James.

"’Yung pinag-uusapang separation of properties, ito ay naganap one year before today. Nagkaroon na sila ng agreement kung paano hahatiin ang properties approved by the court,” say ni Kuya Boy.

Fair naman daw ang naging pag-uusap nina Kris at James tungkol sa hatian.

"Alam mo, sabi ni Kris, she pays tribute to James na he's not greedy, fair ang kanilang pag-uusap. It doesn't call for celebration she pointed this out na kapag naa-annul ang isang kasal, hindi ito dahilan para magbunyi at mag-celebrate," pahayag ni Kuya Boy.

Para naman daw sa kanya, masaya siya na nanatli ang pagiging mabuting kaibigan nina Kris at James.

Kahapon, lumipad si Kris kasama ang kanyang dalawang anak na sina Joshua at Bimby patungong Hong Kong Disneyland.

Ayon sa actress-TV host, pangako niya ito sa mga bata lalo pa nga’t ’pag nagsimula ang taping ng Kailangan Ko’y Ikaw, mababawasan na naman ang  oras niya sa mga ito.