Kung ibabatay sa tweets ni Gelli de Belen last Wednesday, mukhang tuloy na ang paglipat niya sa TV5.

Unang tweet nito ay, “I have moved. Excited!” at sinundan ng: “A lot of changes happening right now. This is it!”

Maaalalang hindi agad nakaalis sa GMA-7 si Gelli dahil tila may problema sa kanyang kontrata, obviously, naayos na ’yun kaya magiging Kapatid na siya.         Ang nabasa namin, cooking show, Jellicious, ang isa sa mga show niya sa TV5.

Matagal na ring nababalitang lilipat sa TV5 ang friend ni Gelli na si Carmina Villarroel.

Ngayong malapit nang matapos ang Pahiram ng Isang Ina, ang soap ni Carmina sa Channel 7, matuloy na kaya ito?

Pero kailangan niyang tapusin muna ang Pepito Manaloto at Day-Off sa GMA News TV Channel 11.

* * *

Si Sarah Lahbati ang next na ilu-launch ng GMA-7 dahil sa kanya ibinigay ang lead role sa remake ng Kokak na pinagbidahan dati ni Rachel Lobangco.

Sa afternoon time slot ilalagay ang Kokak na this October na ang airing.

Halata sa tweet ni Sarah ang labis na tuwa sa pagbibidahang project.

Tweet nito: “Feeling so blessed & excited! Glory to God! Maraming salamat po! Hanep sa birthday gift.”         Ang isa pa niyang tweet, Kokak lang ang sinulat nito.

Bago ang Kokak, isa rin si Sarah sa mga bida sa bagong episode ng Spooky Nights presents… Sumpa  na isa na namang hardcore horror episode.

Kasama niya rito sina Carl Guevarra, Ynna Asistio, Kylie Padilla at Enzo Pineda.

Si Dominic Zapata ang director sa script ni Jules Katanyag.

* * *

Nag-i-enjoy na bading sa Time of My Life ang GMA Artist Center talent na si Sef Cadayona at thankful ito kay Direk Andoy Ranay, na siyang peg niya sa role niyang si Harry, at kay Direk Mark Reyes, na nagga-guide sa kanya.

Excited na rin ito dahil magkakaroon ng love interest ang karakter niya sa katauhan ni Mark Herras.

“Ang suwerte ko dahil kahit hindi ako ang bida, nagklik sa tao ang karakter ko at Harry ang tawag sa akin ’pag nakikita ako sa labas.

“Nakakatuwa at importante sa akin na mapatawa ang viewers. Hindi rin ako takot ma-typecast, matatakot lang ako kung ’di ko nagampanang mabuti ang next role ko,” sabi ni Sef.

Itinanggi pala nito ang isyung kaya siya inalis sa Startalk ay dahil nagkaroon siya ng attitude.

Na-late lang daw siya dahil sunud-sunod ang taping niya at hindi niya sinadyang magpaka-late.

* * *

Kinakabahan na ang magka-loveteam na sina Barbie Forteza at Joshua Dionisio at Joyce Ching at Kristoffer Martin dahil sa Monday na ang pilot ng pagbibidahan nilang afternoon soap na Ikaw Lang ang Mamahalin.         Alam ng mga bagets na makukumpara sila sa original cast ng soap na sina Angelika dela Cruz at Sherwin Ordoñez at Sunshine Dizon at Cogie Domingo.

Hindi lang sina Joshua at Kristoffer ang tututukan ng viewers, pati na rin sina Barbie at Joyce na gaganap sa role nina Mylene/Katherine at Clarissa, respectively.

Sino nga ba sa dalawa ang lalabas na mas magaling na aktres?

Nagbida na si Barbie at nagka-tarpaulin na, kaya si Joyce ang mas natuwa nang makita ang litrato sa tarpaulin.

Doon lang daw nag-sink-in sa kanya na bida na nga sila ni Kristoffer at nangakong mas pagbubutihin pa ang trabaho at pag-arte.

* * *

Mapapanood bukas, October 9, ang special documentary na Think Before You Click, 8:45-10 p.m., sa GMA News TV.

Si Howie Severino ang mangunguna sa pag-iimbestiga sa boundaries at influence ng Internet at social media.

Ire-remind ng TBYC ang lahat na laging isipin ang impact ng status updates, tweets at blogs.

Makakasama ni Howie sina Kara David, Jun Veneracion, Elmo Magalona at Iza Calzado.

Ang documentary ay part ng award-winning TBYC  advocacy campaign on responsible Internet use ng GMA-7.