Batas sa pagsusuri ng mata

May nagbukas po na klinika sa baryo namin na para sa mga nagpapagawa ng mga salamin sa mata. Isa po ang pamilya ko sa mga unang nagpatingin dahil napakalayo pa ng ibang klinika sa aming lugar. Matapos po kaming suriin at resetahan ay nagpagawa na po kami ng salamin namin. Pero napansin po namin na parang malabo pa rin ang ginawang salamin para sa amin. Nang pumunta po ang kapatid ko sa katabing probinsya namin ay naisama niya ako at muli kaming nagpasuri ng mata.

Karapatan ng ina na may karelasyon na babae para sa kustodiya ng kaniyang anak

Ako po ay nagkaroon ng anak sa aking dating nobya. Hindi po kami naipakasal hanggang maghiwalay kami. Tatlong taong gulang na po ang aking anak. Ang dati ko pong nobya na nanay ng aking anak ay kasalukuyang may karelasyon na kapwa niya babae. Nasa kustodiya po ng nanay niya ang aking anak. Gusto ko po sana malaman kung maaari kong matanggalan ng kustodiya ang aking dating nobya sa pagiging nanay ng aming anak dahil sa kasalukuyang relasyon niya sa kapwa niya babae. Sana mapayuhan po ninyo ako kung ano ang sinasabi ng batas tungkol dito. Salamat po.

Ang pagdadahilan o “alibi” ay mahinang uri ng depensa

Pinagbibintangan po ang aming kapitbahay na siya diumano po ang nagnakaw ng mga alahas ng taga kabilang purok namin. Sa kabilang banda, sinabi naman ng aming kapitbahay sa aming Kapitan ng Barangay na hindi niya alam ang ibinibintang sa kaniya at natutulog diumano siya noong mga panahong naganap ang pagnanakaw. Aniya, kahit tanungin pa ang kaniyang pinsan na naroon sa kanilang bahay noong araw na iyon ay mapatutunayan na tulog siya noon. Ang balita ko ay mayroong nakakita sa kaniya na pumasok sa bahay ng nagrereklamo. Sa palagay po ba ninyo maaabswelto ang aming kapitbahay?

Ang drug addiction ay ground para sa legal separation

Ako ay dalawang taon nang kasal sa aking asawa. Nahuli ko siyang ilang beses na gumagamit ng ipinagbabawal na gamot noong nakaraang taon. Pinakiusapan ko siya nang maraming beses at ipinasok sa isang rehabilitation center ngunit hindi pa rin niya matigilan ang nasabing bisyo hanggang sa ngayon. Maaari ko bang maipawalang bisa ang aming kasal dahil sa paggamit nya ng ilegal na droga?

Ang Doktrina ng No Work, No Pay

Ako ay empleyado sa isang kompanya na nagpapatupad ng “No work, No pay” sa ngayon dahil sa COVID-19. Nagdesisyon ang pamunuan ng aming kompanya na suspendihin ang aming operasyon at huwag papasukin ang lahat ng empleyado. Maaari bang ipatupad ng aming kompanya ang “No work, No pay? Faith

Maling pag-label ng mga produkto na hindi naman organic

Madalas po akong mamili ng mga organic na produkto sa pamilihan ngunit minsan ay mayroon akong nabibiling mga produkto kung saan nakalagay sa label nito na ito ay organic ngunit hindi naman pala. Nais ko pong malaman kung mayroon po bang kaparusuhan ang ating batas laban sa mga nagtitinda ng mga produkto na mayroong label na organic ngunit hindi naman talaga ito totoong organic.

Service charge hindi dapat i-compute na kabilang sa umento sa sahod

AKO po ay nagtatrabaho sa isang hotel dito sa Isabela. Bagama’t kami po ay nakatatanggap ng service charge na nagmumula sa aming mga bisita, sinabi ng aking katrabaho na isasama raw iyon bilang parte ng aming sahod. Ang balita po kasi namin ay mayroong umento sa sahod sa aming probinsya. Bagama’t wala pa naman ipinalalabas na posisyon ang may-ari ng pinagtatrabahuan kong hotel, nais ko na rin sana malaman kung sadya bang isasama sa bilang ng aming sahod ang service charge na makukuha namin. Sana po ay mabigyan ninyo ako ng paliwanag tungkol dito.

Suporta sa asawa naantala dahil sa kawalan ng pinagkakakitaan

HIWALAY na po kami ng aking asawa. Bagama’t wala kaming anak ay hindi sumagi sa isip ko na magkaroon ng ibang karelasyon. Binubuhos ko na lamang ang oras ko sa aking pinagkakakitaan. Isa po akong jeepney driver at ang pasada ko ay sa Cubao at parte ng Maynila. Malaking dagok nga lamang po, mula nang magdeklara ng enhanced community quarantine (ECQ) ay hindi na ako nakakapasada. Wala rin po akong ibang pinagkakakitaan sapagkat pamamasada lamang ang alam kong hanapbuhay. Dahil tigil din muna ang trabaho ng asawa ko ay hinihingian niya ako ng suporta. Nais ko lamang pong malaman kung obligasyon ko pa ba siyang suportahan gayong siya naman ang nakipaghiwalay? Ang isa pa po ay wala naman akong pinagkakakitaan ngayon dahil nga hindi ako makapasada. Sana ay mapayuhan ninyo ako.