MMFF may corruption?

December 21, 2019
Mga pulitiko na ang nagpapatakbo ng taunang Metro Manila Film Festival. Nasa ilalim na ito ng MMDA at hindi na sa nakagawiang Roxas Blvd.-Luneta ang venue ng Parade of Stars. May host city na and this year Taguig ni Mayor Lino Cayetano ang pagdarausan. Kahit walang parada, masikip ang mga kalye sa naturang lungsod kaya parang nakikinita na natin na matutulad ito sa prusisyon sa Quiapo na inaabot ng siyam-siyam. Kawawa naman ang mga kasaling artista pero lalong kawawa ang fans na walang hangad kundi ang masilayan man lang kahit malayo ang kanilang mga paboritong artista.

Alden sa Korea magpa-pasko kasama ang pamilya

December 21, 2019
KASADO na ang Christmas vacation ni Asia’s Multimedia star Alden Richards. Taun-taon ay naging tradisyon na ng The Gift lead star na i-treat ang kanyang pamilya tuwing holiday season sa abroad. At this year, sa South Korea ang kanilang destination. Ayon kay Alden, “Pa-Korea kami, tapos balik din. Kasi nga, New Year countdown.”

Sanya Lopez, makikipagkulitan sa Dear Uge

December 21, 2019
PATULOY ang pagpapakita ng Kapuso star na si Sanya Lopez ng kanyang versatility dahil matapos ang pagpasok niya sa action-drama series na Beautiful Justice, makikipagkulitan naman siya sa award-winning comedy anthology na Dear Uge ngayong Linggo. Sa Christmas special na pinamagatang ‘Simbang Tabi, Simbang Tabi’, bibida si Sanya bilang si Aya, isang simpleng babae na nangangarap na makapagtrabaho sa Canada. Alam ni Aya na ang tanging paraan upang matupad ang kanyang pangarap ay kumpletuhin ang Simbang Gabi at humiling sa pinakahuling gabi subalit makikilala nito si Edward – isang sakiting binata. Maging susi kaya si Edward sa kanyang mga pangarap o maging hadlang ito na makamtam ang inaasam na hiling? Makakasama rin ni Sanya sina Martin del Rosario at Denise Barbacena sa exciting Christmas special ng Dear Uge ngayong Linggo (Disyembre 22) pagkatapos ng Sunday PinaSaya.

Glaiza handa na sa bagong sunday show sa 2020

December 21, 2019
ALL-OUT at beyond excited ang Kapuso actress na si Glaiza de Castro sa papalapit na airing ng newest musical-variety program ng GMA tuwing Linggo na All-Out Sunday. Magiging bahagi si Glaiza ng pinabagong programa kasama ang ilan pa sa pinakamagagaling na Kapuso stars na tiyak na aabangan at kakikiligan ng mga viewers. Ayon pa kay Glaiza ay ibinibigay daw talaga ng lahat ang kanilang makakaya kahit na rehearsals pa lamang, “Rehearsals pa lang kami pero all-out talaga. Hindi lang siya basta-basta. Ginagawa namin ‘yung best namin kasi we want everything as smooth as possible since we’re doing this for the first time. Inaaral talaga namin. Super excited kami sa kalalabasan kasi nakikita namin ‘yung effort ng bawat isa.” Samantala, kapwa excited at curious din ang mga Kapuso sa mga pasabog at panibagong pakulo ng pinakabagong kaaaliwan tuwing Linggo, ang All-Out Sunday, na eere na sa January 5, 2020 sa GMA7.

Vic hindi naniniwala na GF na ni mayor Vico si Gretchen

December 20, 2019
"I DON'T think so," ito ang sagot ni Vic Sotto sa tanong namin kung totoong ang TV reporter na si Gretchen Ho ang girlfriend ngayon ng anak niyang si Pasig City Mayor Vico Sotto. Nakausap namin ang premier comedian sa presscon para sa "Mission Unstapabol: The Don Identity" na official entry sa Metro Manila Film Festival.

Heart na-miss ang pagkanta

November 13, 2019
Na-MISS daw ng tinatawag ngayong Queen of Creative Collaborations na si Heart Evangelista ang pagkanta. Kaya naman laking tuwa niya na nagawa niya itong muli sa GMA Christmas Station ID. Matapos kasi ang pagiging isa sa mga celebrity council sa StarStruck Season 7, naging super busy si Heart sa pagba-vlog, sa endorsements, at sa pagsuporta sa asawang si Chiz Escudero bilang governor ng Sorsogon. Kuwento ng Sorsogon first lady: "It's fun! I haven't recorded anything for a long time so it's nice to sing again. It's always a big deal for the network kapag merong station ID. I'm happy that I am part of it."

Pagwo-walk out ni Morisette sa concert, pinag-uusapan

November 08, 2019
Ayon sa producer ng show na si Jobert Sucaldito, maayos naman ang lahat bago ang show. In fact, maaga roon si Morisette kasama ang manager na si David Gosico. Pero bago dumating ang number nito, nagkaroon ng problema. Diumano'y sumama ang pakiramdam ni Morisette at hindi na raw nito kayang mag-perform. And to save faces, pinakiusapan na lamang ni Jobert na humarap ito sa mga tao at humingi ng apology. Sa halip, ang manager nito ang nagsalita sa microphone para sabihing hindi na nga makapagpi-perform ang kanyang alaga.