BAGO ang lahat, isa munang ‘mea culpa,’ mga kabayan.
Sa lumabas kasi nating kolum at istorya kahapon, “sablay” ang nailagay nating “petsa” na ‘2019,’ sa halip na ‘2020.’
Sa ating kolum, mas ‘sakto na napatay ang mga elemento ng ISG-Phil. Army noong Hunyo 2020, at hindi Hunyo 2019; sa ating istorya, nakuha ng Port of Subic ang ‘annual target’ nito noon pang Nobyembre 2020, at hindi Nobyembre 2019.
Paumanhin, dear readers, dahil ‘naka-lockdown’ pa sa 2020 ang ating utak, hehehe, ayy, huhuhu!
***
SA pagpasok ng 2021, naniniwala tayong “malapad ang ngiti” nitong ating kaibigan na si Customs Commissioner, Rey Leonardo ‘Jagger’ Guerrero.
At bakit naman hindi, Pang. Rody, samantalang “nakuha” pa rin ng BOC ang ‘assigned collection target’ nito na higit P506 bilyon para sa 2020 at mas masaya pa, “nasobrahan” pa nga ng higit P33 bilyon, wow!
Sa “pananaw” naman ni BOC spokesman, Atty. Jett Maronilla, ‘half-day’ lang daw noong Lunes ang ngiti sa labi ni Comm. Jagger?
Dangan kasi, hindi raw maiwasang “mapasimangot” si Comm. Jagger kapag “nalaman” na higit P600 bilyon naman ang bagong target ng Aduana ngayong taon, aguyy!
Sa “usap-usapan” pa nga raw sa bakuran ng Department of Finance at DBCC (Development Budget Coordinating Committee), na siyang “nagtatakda” ng kokolektahing buwis ng BOC at BIR kada taon, posibleng P640 bilyon—mas mataas ng higit P134 bilyon sa itinakdang koleksyon noong 2020—ang “napupusuan” na ipakolekta sa ‘Team Jagger’ ngayong taon, ahahay!
Eh, susmariosep, hindi ba mga kabayan? “Saan” kayang “kamay” (at bulsa) kukunin ng Aduana ang ganito kalaking halaga?!
‘But knowing Comm. Jagger as a silent worker and silent achiever all throughout his professional career as a public servant, we are sure, he is always up to the challenge,’ dear readers. Kaya mo ‘yan, Comm. Jagger at kung “nalulungkot” ka, eh, magkape na ulit tayo, hehehe!
***
Sinusulat natin ito, dear readers, isa namang “mensahe” ang natanggap natin at nagtatanong kung “totoo” nga ba na ‘on the way out’ na raw si Comm. Jagger dahil papalitan na siya ni ex-PNP chief, Camilo Cascolan?
Oh yes, kasamang Nelson Badilla, may ganun, hane?
Sa ganang atin naman, masyado nang “gasgas” ang ganitong mga “palundag.”
At palagi naman kasing “ganito” sa BOC, dear readers kung saan palaging may “balita” na “pinalitan” na o kaya ay “sinibak” na ang ‘incumbent’ at may “bago” nang customs commissioner.
Sa kaso pa nga ni Comm. Jagger, kada linggo nga yata, “nagbitiw” o “pinalitan” na raw siya, hihihi!
At sa dami ng ganitong mga “paugong” at “palundag” dear readers, minsan nga raw “nag-iisip” na ang iba pang mga opisyales ng Aduana na sa tuwing papasok sila sa ‘Office of the Commissioner,’ si Comm. Jagger pa nga kaya ang “nakaupo” sa silya, hahaha!
And to be fair to the man, Sec. Dominguez and Pres. Rody, Comm. Jagger has been doing a great job at the BOC and it would border on the insane if he is replaced for no other reason than ‘political expediency’ with the advent of the election campaign season.
If this be the case, then all efforts by the administration at reforms and good governance would be seen as nothing but a farce. “Pakitang tao” lang pala, agh!
Take note: Mas mahalaga pa rin ang interes ng bayan kumpara sa interes ng mga pulitiko na gustong gawing “gatasan” (na naman) ang Aduana habang papalapit ang halalan.
