‘1-year jinx’ sa BoC ‘nalusutan’ ni

November 04, 2019

Comm. Jagger

NGAYONG buwan ang ‘fist month of the second year’ ni retired AFP chief of staff, Gen. Rey Leonardo ‘Jagger’ Guerrero, bilang “commissioner” ng Bureau of Customs (BOC).

Kung matandaan, “sorpresang” inanunsiyo ni Pang. Rody ang “paglipat” ni ‘Jagger’ sa Aduana, noong Oktubre 27, 2018, sa “kasagsagan” ng kanyang talumpati sa anibersaryo ng Phil. Coast Guard (PCG), kung saan kasama sa mga miron, err, mga nakikinig, ay si Gen. Jagger, bilang administrador ng Marina Industry Authority (Marina).

Pormal na naupo si Gen. Jagger bilang ‘Customs Commissioner’ noong Oktubre 30, kapalit ni Comm. Isidro ‘Sid’ Lapeña, na inilipat naman ni PDU30 bilang ‘Secretary General’ sa TESDA.

Isa tayo, dear readers, sa mga nagmiron, asus, ‘nag-cover’ sa nasabing ‘turnover ceremony’ kung saan, bagaman mabilis, naging masaya ang aming kumustahan ni Comm. Jagger, na dati ko na rin namang nakakausap noong aktibo siya sa serbisyo bilang heneral ng AFP.

At masasabing “masuwerte” si Comm. Jagger dahil ang dalawang nauna sa kanya sa posisyon, ay nagkaroon lang ng ‘life span’ na isang taon— bago parehong naalis dahil sa kontrobersiya, partikular na ang walang tigil na ‘smuggling’ na sa kalaunan ay nagresulta sa pagpasok sa bansa ng tone-toneladang iligal na droga.

Sa “kaso” ni Comm. Nick, aka, ‘Mang Kanor,’ hindi sumablay ang mga miron sa pagsasabing ‘matter of time’ lang bago tuluyang “sumabog” ang kanyang administrasyon.

Ito ay dahil na rin sa mga “hindi kanais-nais” na ginagawa ng kanyang mga “bataan” sa grupong “Magdalo,” partikular ang “pag-abuso” sa ‘BOC Alert System’ at sa ‘Selectivity System.’

Si Comm. Nick, na unang ‘BOC chief’ ni PDU30, ay “naupo” noong Hulyo 2016 at nasibak (bagaman “nag-resign” daw siya) noong Agosto 2017, sa kasagsagan ng imbestigasyon ng Senado at Kongreso sa isyu ng talamak na korapsyon at smuggling sa Aduana.  

Ang ganitong sitwasyon ang naging dahilan upang makapasok sa bansa ang mga iligal na droga na ang ilang daang kilo ay natagpuan ng mga awtoridad sa isang ‘warehouse’ sa Valenzuela City.

Para naman kay Comm. Sid na naging customs commissioner noong Agosto 2017, ay “ayos” na rin sana, sa ganang atin, ang kanyang liderato dahil nakita natin ang kanyang sinseridad, ‘transparency’ at pagiging “maginoo” (gentleman).

Subalit, hindi rin talaga sapat ang mga katangiang ito sa isang lider dahil pagkaraan muli ng isang taon, Agosto 2018, si Comm. Sid naman ang “binabagyo” ng kontrobersiya!

Ito ay matapos malantad na katulad sa termino ni Comm. Nick, tone-toneladang shabu ang muling nakalusot sa Aduana, na ang mga “pinaglagyan” na mga ‘magnetic lifters’ ay inabandona ng mga drug smugglers sa isa namang warehouse sa GMA, Cavite.

Kaya nga, ang obserbasyon ng mga miron, mukhang mayroong ‘one-year jinx’ ang termino ng mga customs commissioner sa ilalim ni Pang. Rody, hehehe, ayy, huhuhu!

At ngayong “nalusutan” ito ni Comm. Jagger, eh, magpakan…ton ka naman, Comm! “Pahigupin”mo naman ulit ako kahit isang tasang kape sa opisina mo, hehehe!

At harinawang magtuloy-tuloy na ang “buwenas” mo, hehehe!

“Harinawa,” dear readers, dahil kung hindi mag-iingat si Comm. Jagger, baka “makanal” pa rin siya katulad ng malungkot na sinapit ni Comm. Sid.

Isa kasi sa mga naging “problema” noon ni Comm. Sid ay simple lang: “Sino” ba sa mga ‘old-timers’ na mga opisyal at empleyado sa Aduana ang talagang puwede niyang pagkatiwalaan, aber?

Sa “kaso” ni Comm. Sid, isa sa kanyang malaking pagkakamali ay ang “magtiwala” sa mga tauhan at opisyales d’yan sa Customs Investment and Incentive Services (CIIS), sa mga katulad nitong si intel agent, Jimmy Guban.  

Kung babalikan sa mga naging pagdinig sa Senado, lumabas na itong si Guban ay bahagi ng isang ‘well-established drug syndicate’ na binubuo ng mga opisyales ng PDEA, PNP at Aduana.

At dahil nga “sumablay” sa kanyang pagtitiwala sa CIIS, “swak” sa “balde” si Comm. Sid, aguy!

Oops! “Sablay” ba, deputy commissioner for intelligence Raniel Ramiro ang ‘definition’ ko ng “CIIS” at dapat ba ay ‘Customs Intelligence and Investigation Service?’

Eh, “pasensiya” na, DCI Raniel, CIIS Ddirector Jeff Tacio at Comm. Jagger.

Marami na kasing mga may transaksyon d’yan sa pantalan ang “nalilito” kung ano ba talaga ang trabaho nitong mga operatiba ng CIIS. Sila raw ba ay mga ‘intelligence officers’ o ‘investment officers,’ hehehe!

Dangan kasi, “garapalan” na raw ang paggamit ng mga intel officers at opisyales sa CIIS at IG sa ‘power to alert,’ ‘power to hold shipments’ at ‘spot-checking’ para lang ‘ma-delay’ ang paglabas ng mga “nakursunadahan” nilang kargamento.

“Bakit ganyan,” tanong mo ba, Comm. Jagger? Eh, paano naman daw kasi ‘yung “bulok na “estilo” d’yan sa CIIS na “nagpabagsak” kay Comm. Nick— “pagiging ‘business partner’ o “protektor” ng mga smuggler, aba’y talagang “namamayagpag” sa ngayon

Ito ang “estilo,” Sen. Dick Gordon, na kapag “kalaban” sa negosyo ng mga “negosyante” d’yan sa CIIS, lahat ng “perwisyo” dadanasin ng pobreng importer o customs broker.  

At hindi sila “tatantanan” hanggang hindi nila “naaagaw” ang “kliyente” — Kasehodang “mabaon sa utang” o ‘mag-landing’ sa ospital dahil sa ‘stress’ at “sama  ng loob” ang kanilang “nakursunadahan.”

Kumbaga, talagang “isinapuso” ng mga kumag na ito ang palaging sinasabi ng mga kasapi ng ‘Mafia’— “nothing personal, it is just business.”

Oh well, dear readers. ‘Strike while the iron is hot,’ as the saying goes my dear ‘Goodfellas.’

“Mabibisto” rin naman (ulit) ang mga kabulastugan ninyo d’yan, tama ba, Sen. Dick Gordon?  

Eh, sana, hindi naman madamay si Comm. Jagger at DCI Raniel dahil, ano bang alam nila d’yan, hane?

Abangan!