Comm. Jagger “kinontra” si President Duterte

August 20, 2019

MATAGUMPAY na “naitawid” nitong ating kaibigan na si ex-AFP-CRS chief, MGen. Bienvenido Datuin, ang ginanap na ‘press conference’ kahapon ng Bureau of Customs (BoC) kung saan muling “nagisa,” ehek, “natanong,” ng media si Comm. Jagger Guerrero.

Si Gen. Datuin na nga kasi ang bagong PIAD (Public Information and Assistance Division) chief ng BoC mga kabayan, isang “larangan” na alam nating “kabisado” niya dahil naman sa kanyang karanasan sa ‘civil relations service’ (CRS) ng ating Sandatahang Lakas.

‘Fresh from the service’ wika nga, si Gen. Datuin dahil nagretiro lang siya sa serbisyo noong Agosto 6 kung saan pinalitan naman siya nitong isa pa nating kaibigan, si BGen. Edgard Arevalo (Marines), na ‘spokesman’ din ng AFP.

Noong 2018, isang taon bago siya nagretiro at bago rin tayo “nagretiro” bilang pangulo naman ng National Press Club (NPC), naging ‘resource speaker’ pa tayo ng mga sundalo sa isang ‘media seminar’ na inilunsad ng CRS para naman sa “CMO” (civil military operations) ng mga yunit galing sa loob at labas ng AFP.

Bukod dito, naging ‘assignment’ din ni Gen. Datuin ang Second Infantry, Southern Luzon Command (Solcom) at 10th Infantry Division na sakop naman ng Eastern Mindanao Command (EMC), mga ‘territorial assignments’ na ‘na-cover’ naman natin bilang reporter.

Kumbaga, dear readers, masasabing “may pinagsamahan” din kami ni Gen. Datuin at natutuwa naman tayo na kinuha ni Comm. Jagger ang kanyang serbisyo dahil personal niyang alam ang abilidad ng pumalit sa kanya bilang 701st Brigade commander noong panahong pareho pa silang nasa serbisyo; AFP spokesman din si Gen. Datuin sa termino naman ni Comm. Jagger bilang AFP chief.

Kung ‘entry point’ lang ni Gen. Datuin ang pagiging “hefe” ng PIAD (dahil sa “asinta” natin ay hindi ito “bagay” sa kanyang “hebigat” na ‘qualifications’), eh, “abangan ang susunod na kabanata,” hehehe!

***

Sa ‘press con’ kahapon sa Aduana, may “paulit-ulit” na mensahe si Comm. Jagger sa lahat: ‘HUWAG KAYONG MAGPALOKO!’

At ang tinutumbok dito ni Comm. Jagger ay yung mga “manggagantso” at ‘name dropper’ sa pantalan na palaging nagyayabang na “kaya” o “puwede” nilang “ayusin”  kay Comm. Jagger ang ano mang “problema” sa kargamento— basta may nakahandang “tara” o “tongpats,” para (daw) mismo sa “kanya,” susmariosep!

Sa kuwento pa nga ni Comm. Jagger, noong “binira” pala ng BoC kamakailan ang isang kilalang warehouse/shopping mall d’yan sa lugar ng Binondo/Divisoria, aba’y may “nangolekta” ng kuwarta sa mga “nasamsaman” ng mga produkto at ang nalikom ay sinabing “ibibigay” (read” “ipansusuhol”) kay Comm. Jagger.

Ang resulta? Mistulang ‘double whammy’ ang nangyari dahil nawalan na ng “paninda” ‘yung mga “nag-gaybi,” nawalan pa ng kuwarta, aguy,aguy,aguy!

Hindi binanggit ni Comm. Jagger kung magkano ang nalikom na kuwarta at hindi na rin niya ibinisto kung sino itong nabanggit na kumag. Bagaman sa ganitong mga insidente, aba’y hindi lang “etneb” o “tasingkuwents” ang pinag-uusapan, bagkus, milyones, mga kabayan!

Uulitin natin mga kabayan. Hindi lang “ayaw,” bagkus, “allergic” si Comm. Jagger basta “tara,” “suhol,” “lagay” o “ayusan/areglo” ang pag-uusapan, okay?

Kaya kung may magyayabang na “kilala” nila si Comm. Jagger at “kaya” nilang “aregluhin,” ang dapat gawin ay huwag maniwala at bagkus, ‘dial’ agad sa ‘8484 text hotline’ upang isumbong ang ganitong ‘scam,’ hane?

Aber, kahit nga sa isyu ng “regalo” at ‘token gift,’ na “pinayagan” ni PDU30  sa kanyang talumpati kamakailan sa okasyon ng ‘Police Service Anniversary,’ hayagang “kinontra” ito kahapon ni Comm. Jagger!

Aniya, istrikto pa rin ang BoC sa kanyang ‘no take policy.’ Translation? Aba’y palaging mag-ingat ang mga taga-BoC na “magparinig” nang para kina...