Kredito dapat ibigay sa Public Attorney’s Office

November 30, 2018

MATAPOS ang higit isang taon na pagdinig sa kaso, inilabas na ni Caloocan Branch 125 presiding judge, Hon. Rodolfo Azucena Jr., ang hatol na “guilty” noong Huwebes, Nobyembre 29, sa tatlong pulis-Caloocan sa nangyaring ‘salvage’ (murder) kay Kian delos Santos, 17.

Pinaslang ng mga pulis -- PO3 Arnel Oares, PO1 Jeremias Pereda at, PO1 Jerwin Cruz -- si Kian noong Agosto 17, 2017, sa isang pekeng ‘anti-drug operation.’

Sinasabi nating “peke” ang nasabing operasyon, dear readers, dahil ang “habol” ng mga pulis na ito ay ang ‘quota’ sa kanilang istasyon, ‘for compliance,’ wika nga -- at hindi “targetin” ang mga drug pushers at mga nag-aambisyon na maging ‘drug lords’ sa Caloocan.

At dahil “bara-bara” ang “birada,” nauwi sa isang “drowing” na “engkuwentro” kung saan ang naging biktima nga ay itong si Kian.

Batay naman sa desisyon, inaasahang sa kulungan na aabutin ng kamatayan ang mga pumatay kay Kian dahil ‘reclusion perpetua (life term) with no possibility of parole’ (no pardon) ang hatol sa kanila.

Matapos ang ‘promulgation,’ “nakulili” ang ating tenga, dear readers, sa “dami” ng mga gustong “magpabida” upang makuha ang “kredito” sa naging desisyon ni Judge Azucena.

Eh, wala na tayong “mensahe sa mga ito, dear readers, kundi, “Saan ba kayo kumukuha ng kapal ng mukha?”

Dangan kasi, malinaw sa “rekord” ng kaso na ang PAO -- Public Attorney’s Office -- sa pangunguna nitong ating iginagalang at hinahangaan na kaibigan, si Atty. Persida Acosta --  ang siyang napagod, napuyat, tumutok at higit sa lahat, nagsampa ng kaso laban sa mga noon ay suspek na pulis!

Kumbaga, ang PAO ang “pumasan” ng “bigat” ng “laban” para sa katarungan ng pamilya ni Kian kumpara sa ibang grupo, partikular na ang Tribong Dilawan nitong si Noynoy Aquino at mga kaalyado nilang ‘human rights defenders’ (kuno), na ang tanging ginawa ay ang magpa-press release -- at gawing ‘public spectacle’ ang libing noon ni Kian para lang “siraan” ang ‘War on Drugs’ ni Pang. Rody.

Kaya sa mga ipokritong grupo, aba’y kahit man lang “kapiraso,” bigyan naman ninyo ng kredito ang PAO at si Atty. Acosta, mga bosing! “Tubuan” naman sana kayo ng konsensiya!

At sa naging desisyon ng korte, dapat din nating bigyan ng kredito si Judge Azucena dahil sa kanyang “matapang” na “paghawak” sa kasong ito. Aber, kung “mahinang klase” bilang huwes itong si Judge Azucena, matagal na itong ‘nag-inhibit,’ kaya, “kudos” din sa iyo, Judge Azucena.

Oops! ‘Giving credit where credit is due,’ eh, huwag nating kalimutan si PDU30, hindi ba, mga kabayan?

Bagaman nga palagi niyang sinasabi na sa ‘War on Drugs’ ay “sagot” at “protektado” niya ang mga pulis at iba pang mga ‘law enforcers’ na makakasuhan sa kanilang mga ‘anti-drug operations,’ hindi ba palagi rin niyang sinasabi na hindi niya kukunsintihin ang mga abusado?

At sa desisyong ito, hindi pa ba “malinaw” ang “mensahe” ng ating Pangulo na sa mga “ogags” na pulis, aba’y bahala kayo sa buhay ninyo, mga letse, hehehe!

Pansinin mga kabayan na kahit dito sa kaso ni Kian, walang inatupag ang mga kalaban ng gobyerno kundi bigyang-diin ang sinabi ni PDU30 na “sagot” niya ang mga pulis na “sasabit” at “makakasuhan” sa mga operasyong “kontra-droga.”

At dahil “kalahati” lang sa kanyang mga sinabi ang “piniling iulat” ng mga kumag na ito -- nang paulit-ulit -- ang nabuong “impresyon,” patrtikular sa labas ng bansa, may ‘license to murder’ ang ating mga operatiba.

Pero ‘yun ngang sinabi rin ng ating presidente na HINDI niya sagot ang mga abusado -- katulad ng nakita natin sa desisyon dito sa ‘Kian murder case,’ “sinadya” ng mga “kaaway” ni PDU30, na “ibaon” na lang sa “limot,” talaga rin naman, tsk, tsk, tsk!

Kaya sa mga kritiko ni Pang. Digong, ano naman kayang bagong “pakulo” ang iisipin ng mga ito? Ngayon na muling napatunayan ang kanilang inilakong kasinungalingan, aber?

“Esep-esep” ulit, mga bosing, hehehe!

Korapsyon “nahihinog” na rin sa DoLE?

Sa nakaraang dalawang linggo, muling ipinakita ni Pang. Rody na hindi niya kailanman kukunsintihin ang korapsyon at katiwalian.

Sa nakaraang dalawang linggo kasi, saksi tayong lahat nang sibakin ni PDU30 ang tatlo pa niyang mga appointees -- sa HUDCC at sa OPAP -- dahil sa isyu ng korapsyon (kung saan “nadamay” pa si peace adviser, Sec. Jess Dureza na nag-resign dahil sa kontrobersiya sa OPAP, kawawa rin naman).

Sa nangyari sa OPAP, dapat asahan na ang “bigat” ng pagsusulong ng ‘peace talk’ ay “babagsak” ngayon sa mga “balikat” ni DoLE secretary, Silvestre ‘Bebot’ Bello III, na ‘ka-tandem’ ni Sec. Dureza sa pakikipag-usap sa mga komunista sa pamamagitan ng kanilang “prente,” ang ‘National Democratic Front of the Philippines’ (NDFP).

Kung “epektibo” at “mahusay” pa kayang nagagampanan nitong boss ni kaibigang Rolly Francia ang trabaho nito bilang ‘labor secretary’ at ‘peace negotiator,’ marami sa mga miron natin sa DoLE ang nagtatanong, Pang. Rody.

Bakit kanyo, dear readers? Dahil sa paglawig ng termino ni Sec. Bebot sa DoLE, aba’y “nahihinog” na umano na parang “pigsa” ang mga anila’y “katiwalian” d’yan?

Halimbawa na umano ang “pagdami” ng mga ‘ghost employees’ sa DoLE, kabilang na ang isang “barbero” ng isang mataas na opisyal na ngayon ay nabigyan ng posisyon bilang ‘executive assistant’ na ang ‘detail/assignment’ ay sa lalawigan nitong si Mr. Official.    

Oh yes dear readers, you read it right, “barbero,” as in, “tagaputol ng buhok” may ‘item’ na ngayon sa DoLE.

Oh, di ba, mga kabayan, ‘yan ang pagsunod na “daang matuwid,” kung saan kahit sino na lang at kahit mga “multo” talagang nabibigyan ng trabaho sa DoLE ni Sec. Bebot, yeheyy!!

Mayroon din umanong isang opisyal sa DoLE, ‘Presidential Anti-Corruption Commission (PACC) commissioner, Greco Belgica, ang kamakailan lang ay nagbiyahe palabas ng bansa pero dahil “ayaw” sa ‘commercial flight,’ aba’y nag-landing sa Bangkok sakay ng isang ‘private jet,’ ahahay!

Isa pang “idinadaing” na ‘middle-level official’ sa DoLE main office ay itong isang babaeng ‘bureau director’ na ang “kapritso” ay “magtanggal” ng sarili niyang mga empleyado, aguy!

Ano ka ba naman madam! ‘Yung ibang “yunit” ng DoLE, kahit mga “multo” ginagawang empleyado (ghost employees), ikaw naman, sarili mong kawani, gusto mong sibakin?

Aba’y hindi ba dapat, ‘follow the leader,’ ayy, ‘follow the lead of your fellow officials,’ hehehe!

Abangan!