Mayor Isko nagpa-reunion sa mga taga-‘That's Entertainment’

October 06, 2019
Mayor Isko with JP de Guzman

ANG dating “That’s Entertainment” member-turned mayor ng Maynila na si Isko Moreno ang nakaisip na magkaroon ng “That’s Entertainment” members at  post-birthday celebration (86th birthday) ang yumaong star builder, Master Showman at ama ng “That’s Entertainment” youth-oriented program ng GMA na si German `Kuya Germs’ Moreno. Ito’y ginanap isang araw after the TV host and actor-comedian’s actual birthday last Saturday, October 5 sa Salu Restaurant ni Harlene Bautista in Quezon City.  Ito’y magkatulong na inorganisa ng pamangkin ni Kuya Germs na si John Nite at matagal na naging personal secretary at talent coordinator ni Kuya Germs na si Carmelites Rigonan.

Si Isko ang nanguna sa mga miyembro ng “That’s Entertainment” na tumagal sa ere ng sampung taon on GMA,  1986 to 1996.  Dumalo rin sa naturang okasyon ang kaisa-isang anak ni Kuya Germs na si Federico Moreno.

Bukod kay Mayor Isko, dumating din ang iba pang former  members ng “That’s Entertainment” tulad nina Vina Morales, Tina Paner, Jaypee de Guzman, Ian Veneracion, Patricia Javier, Melissa Gibbs, Harlene Bautista (na siyang may-ari ng venue), Sharmaine Arnaiz, Ana Abiera, Nadia Montenegro, Smokey Manaloto, Melissa Silvano, Karen Timbol, Marilyn Villamayor, Dranreb Belleza, Jovit Moya, Jennifer Sevilla, Alessandra de Rossi at iba pa.