Rhen contract star na ng Viva

March 15, 2019

LUMAGDA ng ten-picture contract sa Viva ang young singer-actress-host na si Rhen Escano, isa sa mga talent groomed by the late star-builder at Master Showman na si German `Kuya Germs’ Moreno sa kanyang now-defunct “Walang Tulugan with the Master Showman” on GMA.

Bukod noon sa “Walang Tulugan…,” naging bahagi rin si Rhen sa iba’t ibang TV series ng GMA tulad ng “Tween Academy,” “Paroa:  Ang Kwento ni Mariposa,” “Legacy,” “Anna Karenina,” “Villa Quintana,” “Let the Love Begin,” “Princess in the Palace” at nakapa-guest na rin siya sa “Maynila” at “Magpakailanman” drama anthologies ng Kapuso Network.

Over at Viva TV’s Sari-Sari Channel, nakagawa na rin siya ng ilang serye tulad ng “Taddy Taddy Po,” “Back to You” at “Class 3C Has a Secret”.   She was also in the TV series “La Luna Sangre” in 2017 at sa pelikulang “My Amnesia Love” in 2018.  Ilan sa mga indie movies na nagawa ni Rhen ay ang “Ang Pamilyang Hindi Lumuluha,” “Si Magdalola at ang mga Gago,” “Kabisera,” “Pendong” at “Ded na si Lolo”.

This March and April ay gagawin niya ang kanyang bagong TV series for Sari-Sari Channel, ang “Cuerpo y Alma”. Sa April 29 naman ay sisimulan niya ang pelikulang “Untrue” for Viva Films na pagbibidahan nina Cristine Reyes at Xian Lim mula sa direksyon ng “Kita Kita” box office director na si Sigrid Andrea Bernardo at kasunod na rito ang kanyang launching movie na nakatakdang idirek ni Yam Laranas.

Although naungusan na siya ng dati niyang mga kasamahan sa “Walang Tulugan with the Master Showman” tulad nina Sanya Lopez, Jak Roberto, Ken Chan at Jake Vargas, naniniwala si Rhen na darating din ang kanyang tamang panahong makilala nang husto in God’s perfect time.